افغان فوج کا ہیلی کاپٹر گر کر تباہ، دو اہلکار ہلاک - Roznama Punjab

تازہ ترین

Home Top Ad

Post Top Ad

Your Ads Here

جمعرات، 12 نومبر، 2020

افغان فوج کا ہیلی کاپٹر گر کر تباہ، دو اہلکار ہلاک


کابل(اُردو پوائنٹ اخبارتازہ ترین - آن لائن۔ 11 نومبر2020ء) افغان فضائیہ کا جنگی ہیلی کاپٹر پرواز بھرتے ہی ہچکولے کھاتے ہوئے زمین بوس ہوگیا جس کے نتیجے میں 2 اہلکار ہلاک اور 2 زخمی ہوگئے۔ عالمی خبر رساں ادارے کے مطابق افغانستان کے صوبے ننگرہار میں افغان فوج کا جنگی ہیلی کاپٹر ایم آئی -7 ضلع حصارک سے پرواز بھرنے کے کچھ دیر بعد ہچکولے کھانے لگا، پائلٹ نے ہنگامی لینڈنگ کی کوشش کی جس کے دوران ہیلی کاپٹر زمین پر گر کر تباہ ہوگیا۔

امریکی فوج کے ترجمان کی جانب سے جاری بیان میں کہا گیا ہے کہ جنگی ہیلی کاپٹر میں دوران پرواز تیکنیکی خرابی پیدا ہوگئی تھی۔ حادثے میں دو فوجی اہلکار ہلاک اور دو شدید زخمی ہوگئے۔ زخمیوں کو اسپتال منتقل کردیا گیا ہے۔ افغان فضائیہ کے ترجمان نے مزید بتایا کہ حادثے میں دہشت گردی کے عنصر کا امکان نہیں، حادثہ تکنیکی خرابی کے باعث پیش آیا جب کہ تکینیکی خرابی کا تعین کرنے کے لیے ایک انکوائری کمیٹی تشکیل دیدی گئی ہے۔

(جاری ہے)




اسپتال انتظامیہ نے میڈیا کو بتایا کہ ہیلی کاپٹر حادثے کے بعد چار اہلکاروں کو اسپتال لایا گیا ہے جن میں سے دو مردہ حالت میں لائے گئے تھے جب کہ ایک زخمی کی حالت نازک ہے۔واضح رہے کہ قطر میں بین الافغان مذاکرات تاحال کامیاب نہیں ہوسکے ہیں جب کہ اس دوران پرتشدد کارروائیوں میں اضافہ دیکھنے میں آیا ہے اور حال میں ہی کابل یونیورسٹی میں حملے میں 30 طلبا جاں بحق ہوگئے تھے۔ 

کوئی تبصرے نہیں:

ایک تبصرہ شائع کریں

Post Bottom Ad

YOUR AD HERE